බංග්ලාදේශයේ - බෙංගාසි ප‍්‍රදේශයේ පිහිටි බෞද්ධ විහාරස්ථානවල හා එහි වෙසෙන
බෞද්ධ ජනතාවට මුස්ලිම් අන්තවාදීන් විසින් සිදුකරන හිංසාකාරී කි‍්‍රයාවන්ට
විරෝධය පළ කිරීම් කිහිපයක් අද (04) දිනයේද පැවැත්වුණා. බොදු බල සේනා සංවිධානය අද (04) පස්වරුවේ කොළඹ මහ නගර සභා පිටියේදී සත්‍යග‍්‍රහයක නිරත වුණා. අනතුරුව, ඔවුන් පාගමනින් ගොස් කොළඹ - වෝඞ් පෙදෙසේ පිහිටි බංග්ලාදේශ මහ කොමසාරිස් කාර්යාලය ඉදිරිපිට විරෝධතා ව්‍යාපාරයක් පැවැත්වූවා.
මෙම විරෝධතාව අතරතුරදී බංග්ලාදේශ මහ කොමසාරිස් කාර්යාලයට ජල බෝතල් ප‍්‍රහාරයක්ද එල්ල වුණා. එයින් එම කාර්යාලය පිහිටි ගොඩනැගිල්ලේ ජනේලවල වීදුරු කිහිපයක් බිඳී ගිය බවයි එහි සිටි අප මාණ්ඩලික වාර්තාකරු පැවසුවේ.
No comments:
Post a Comment
Post Your Comment