ශ්‍රි ලංකාවට සාර්ථක දේශපාලන විසඳුමක් ලබාදීමට පියවර ගන්න

සියලු දේශපාලන පක්ෂවල සහභාගීත්වයෙන් ශ්‍රි ලංකාවට සාර්ථක දේශපාලන විසඳුමක් ලබාදීමට පියවර ගන්නා ලෙස එක්සත් ජාතීන්ගේ මහලේකම් බැන්කී මුන් මහතා ජනාධිපති මහින්ද රාජපක්ෂ මහතාගෙන් ඉල්ලීමක් කර තිබේ. ජනාධිපති මහින්ද රාජපක්ෂ මහතා එක්සත් ජාතීන්ගේ මහ ලේකම් බැන්කී මුන් මහතා හමුවු වු අවස්ථාවේදී එ මහතා මේ බව ප්‍රකාශ කර තිබේ.

ජනාධිපති මාධ්‍ය අංශය සඳහන් කළේ ඊයේ(27) රාත්‍රී නිව්යෝර්ක්හි පිහිටි එක්සත් ජාතීන්ගේ මුලස්ථානයේ දී මෙම හමුව සිදුවු බවයි.

මෙම හමුවේ දී යුද්ධයෙන් පසුව ශ්‍රී ලංකාව ලබා ඇති සංවර්ධනය පිළිබඳව එක්සත් ජාතීන්ගේ මහ ලේකම්වරයා ජනාධිපතිවරයාට ප්‍රසංශාව පළ කර තිබේ.

ශ්‍රී ලංකාවේ සංවර්ධන ක්‍රියාවලිය සහ නැවත පදිංචි කිරීමේ ක්‍රියාවලිය පිළිබඳව මෙහිදි ජනාධිපතිවරයා බැන්කී මූන් මහතාව දැනුවත් කර ඇති බව ජනාධිපති මාධ්‍ය අංශය සඳහන් කළේය.

මෙම හමුවේ දී උතුරු නැගෙනහිර ප්‍රදේශවල බිම්බෝම්බ ඉවත් කිරීමේ කටයුතු පිළිබඳව සහ හිටපු එල්.ටි.ටි.ඊ. ත්‍රස්තවාදීන් පුනරුත්තාපනය කිරීමේ කටයුතු පිළිබඳව ද ජනාධිපතිවරයා එක්සත් ජාතීන්ගේ මහලේකම්වරයාව දැනුවත් කර තිබේ.



මේ අතර ශ්‍රී ලංකාව ලබා ඇති සංවර්ධනය පිළිබඳව සියැසින් දැක ගැනීම සඳහා ශ්‍රි ලංකාවේ සංචාරයක නිරත වන ලෙස ජනාධිපති මහින්ද රාජපක්ෂ මහතා බැන්කී මුන් මහතාට ආරාධනයක් ද කළ බව ජනාධිපති මාධ්‍ය අංශය සඳහන් කළේය.

ජනාධිපති මහින්ද රාජපක්ෂ මහතා ඉන්දිය අග්‍රාමාත්‍ය නරේන්ද්‍ර මෝඩි මහතා ද ඊයේ නිව්යෝර්ක්හිදි හමුවුණි.

එහිදි ඉන්දීය අග්‍රාමාත්‍යවරයා පසුගියදා දෙමළ ජාතික සන්ධානයේ නියෝජිතයින් සමඟ පැවැත්වු සාකච්ඡා පිළිබඳව ජනාධිපතිවරයා දැනුවත් කර තිබේ.

විශේෂයෙන් ශ්‍රී ලංකා රජය දෙමළ ජාතික සන්ධානය ඇතුළු ඕනෑම දේශපාලන පක්ෂයක් සමඟ සාකච්ඡා කිරීමට සූදානම් බව මෙහිදි ජනාධිපති මහින්ද රාජපක්ෂ මහතා පවසා ඇත.

ඉන්දු ලංකා ධීවර ගැටලුව සම්බන්ධයෙන් ද දෙරටේ නායකයින් අතර මෙහිදි සාකච්ඡා වී තිබේ

ධීවර බෝට්ටුවක් ගිනි ගනියි - 5ක් රෝහලේ

ධීවර බෝට්ටුවක් ගිනි ගැනීමෙන් පුද්ගලයින් 05 දෙනෙකු තුවාල ලබා තිබේ.

පොලිස් මාධ්‍ය ප්‍රකාශක කාර්යාලය සඳහන් කළේ ඊයේ(28)  පස්වරුවේ රැකව ධීවර වරායෙන් මුහුදු ගිය බෝට්ටුවක් එම අනතුරට ලක්ව ඇති බවයි.

තුවාල ලැබුවන් තංගල්ල මූලික රෝහලට ඇතුළත් කර තිබේ.

ගිනි ගැනීමට හේතුව බෝට්ටුවේ එන්ජිමේ හටගත් දෝෂයක් විය හැකි බව පොලිසිය පැවසුවේය.

ලෝකේ භයානකම සෝල්ජර්ස්ලා කවුද?

ලෝකේ වටේ දරුනු විශේශ හමුදා කීපයක් තියනවා. මේ සෝල්ජර්ස්ලා හිතා ගන්න බැරි ට්‍රේනිං කරනවා ඒ යුනිට්ස් වලට තෝරගන්න. මේ ලිස්ට් එකේ දරුනුම විශේශ හමුදා පහක් තියනවා.
 

ස්පෙට්ස්නැස්.

රශියාවේ ස්පෙට්ස්නැස් කෝස් එක පාස් වෙන්නේ සෝල්ජර්ස්ලා 5න් 1ක්. මේ කට්ටිය ට්‍රේන් කරනකොට ඇට කැඩෙනකන් ගහගන්නවා. ඊට පස්සේ ආය නැගිටල යනවා. ගොඩක් මිනිස්සු කියන විදිහට මේ මිනිස්සු ලෝකෙ ඉන්න තදම හමුදාව. ස්පෙට්ස්නැස් සෝල්ජර්ස්ලට උගන්නන්නේ වේදනාව අමතක් කරන්න නෙමෙයි – වේදනාවට ආදරේ කරන්න.

ශයටෙට් 13.

ශයටෙට් 13 ඊස්‍රයෙල් වල ඉන්න විශේශ හමුදාවක්. මේ කට්ටිය 1972 ඔලිම්පික්ස් වල ඊස්‍රයෙලි මිනිස්සු මරපු කට්ටිය ලෝකේ වටේ ගිහිල්ලා හොයාගෙන මැරුවා. ශයටෙට් 13 ‘ක්‍රව් මගා’ කියලා ක්‍රමයක් පාවිච්චි කරලා ගහනවා.

ප්‍රංශේ ෆොරින් ලීජන්.

ෆොරින් ලීජන් එක පිටරට ඉන්න කට්ටිය ගන්න ආමි යුනිට් එකක්. ලීජන් එක 1831 පටන් ගත්තේ. ට්‍රේනිං පාස් වෙන්න එක වැඩක් කිලෝමීටර් 120ක් බර කිට් එකක් දාගෙන මාච් එක. ඒ කොළඹ ඉඳලා නුවර දුරක්. කොහෙන් ආවද, කවුද කියලා ලීජන් එකට වැඩක් නෑ. ලීජන් කෑම්ප් එකකට ගිහිල්ල ටෙස්ට් පාස් කරන්න පුලුවන් නම් තැනක් දෙනවා. සුදු තොප්පියෙන් ලීජන් එක අඳුර ගන්න පුලුවන්.

නේවි සීල්ස්.

ඇමරිකාවේ සීල්ස්ලා නේවි එකේ යුනිට් එකක්. මේගොල්ලො ලඟදි සොමාලි මුහුදේ මංකොල්ල කන මිනිස්සු වෙඩි තියලා නැවැත්තුවා. ට්‍රේන් කරනකොට මුහුදේ කිලෝමීටර් ගානක් පීනන්න ඕනි. ඔසාමා බින් ලාඩන් ඇල්ලුවේ සීල් යුනිට් එකක්.

එස්.ඒ.එස්.

එස්.ඒ.එස්. කියන්නේ ‘ස්පෙශල් එයා සර්විස්’. එංගලන්තේ, කැනඩා, ඕස්ට්‍රේලියා සහ නව සීලන්තේට එස්.ඒ.එස්. යුනිට්ස් තියනවා. එක ට්‍රේන්ං පාට් එකක කිලෝමීටර් 64ක් කඳු ඇතුලෙන් මාච් කරන්න ඕනි කිලෝග්‍රෑම් 20ක් උස්සගන. එස්.ඒ.එස්. සෝල්ජර්ස්ලට මූන ජනතාවට පෙන්නන්න දෙන්නෙ නෑ.

අඩු කළ විදුලිබිලේ සහනය ලබන මාසයේ සිට

ජනාධිපති මහින්ද රාජපක්ෂ මහතා ප‍්‍රකාශයට පත් කළ සියයට 25ක විදුලි ගාස්තු සහනය සැප්තැම්බර් 16 වන දා සිට බලපැවැත්වෙන පරිදි ඊළඟ විදුලි බිලෙන් අඩු කරන බව විදුලිබල හා බලශක්ති අමාත්‍ය පවිත‍්‍රා වන්නිආරච්චි ප‍්‍රකාශ කළා. ඊට අදාළ ගැසට් නිවේදනය ලබන සතියේදී නිකුත් කෙරෙන බවයි අමාත්‍යවරිය සදහන් කළේ.

ජනපති ලබන සතියේ වතිකානුවට.

අති උතුම් ෆ‍්‍රැන්සිස් ශුද්ධෝත්තම පාප් වහන්සේගේ් ශ‍්‍රී ලංකා සංචාරයට අදාළ නිල ආරාධනය සිදුකිරීම සඳහා ජනාධිපති මහින්ද රාජපක්ෂ මහතා ඉදිරි සතියේදී වතිකානුව බලා පිටත්ව යාමට නියමිතයි. හිරු ප‍්‍රවෘත්ති අංශය කළ විමසීමකදී ජනාධිපති ප‍්‍රකාශක කාර්යාලය ද  එය තහවුරු කළා. ජගත් මහා මණ්ඩල සැසි වාරයට සහභාගිවීම සඳහා ඇමරිකාවේ නිව්යෝක් නුවර බලා ගිය ජනාධිපතිවරයා අද දිවයිනට පැමිණීමට නියමිතව තිබෙනවා.

අති උතුම් ෆ‍්‍රැන්සිස් ශුද්ධෝත්තම පාප් වහන්සේ ලබන වසරේ ජනවාරි 13 වන දා  උදෑසන 9ට ශ‍්‍රී ලංකාවට සැපත් වන බව මීට පෙර අනාවරණය කෙරුණා. අගරදගුරු අති උතුම් මැල්කම් කාදිනල් රංජිත් හිමිපාණන්ගේ ප‍්‍රධානත්වයෙන් කොළඹ පසුගිය දා පැවැති මාධ්‍ය හමුවකදී ප‍්‍රකාශ කෙරුණේ කටුනායක ගුවන් තොටුපළට ළඟා වන පාප් වහන්සේ විවෘත රථයකින් කොළඹ - මීගමුව මාර්ගය ඔස්සේ කොළඹට පැමිණීමට නියමිත බවයි. අනතුරුව ජනාධිපති මහින්ද රාජපක්ෂ මහතා මෙන්ම සර්වආගමික නායකයන් සමඟ ද උන්වහන්සේ සාකච්ඡා පවත්වනු ඇති.

ජනවාරි 14 වන දා උදෑසන 8ට කොළඹ ගාලූමුවදොර පිටියේ ශුද්ධෝත්තම පාප් වහන්සේ විසින් දිව්‍ය පූජා යාගයක් පවත්වන අතර එදිනම මරදමඩු දේවස්ථානයට ද උන්වහන්සේ වැඩම කිරීමට නියමිතයි. 

5 ශිෂ්‍යත්වයෙන් ඇඹිලිපිටියේ වෙනුජ නිම්සත්ට දිවයිනේ මුල්තැන

අද (28) ප‍්‍රකාශයට පත් කෙරුණු 5 ශ්‍රේණිය ශිෂ්‍යත්ව විභාගයේ ප‍්‍රතිඵලවලට අනුව දිවයිනේ ප‍්‍රථම ස්ථානය ලබා ගැනීමට ඇඹිලිපිටිය කනිෂ්ඨ ද්වීතියික පාසලේ ඩබ්ලිව්. ඒ. වෙනුජ නිම්සත් ශිෂ්‍යයා සමත්ව සිටිනවා. ඒ ලකුණු 199 ක් ලබා ගනිමින්.

ශිෂ්‍යත්ව විභාගයෙන් දිවයිනේ ප‍්‍රථම ස්ථානයට පත් වෙනුජ නිම්සත්,   ප‍්‍රවෘත්ති අංශයට කියා සිටියේ එදිනෙදා වැඩ අතපසු නොකර සිදුකිරීමෙන් තමන් මෙම ජයග‍්‍රහණය හිමිකර ගත් බවයි.

පසුගිය අගෝස්තු මස 17 වැනිදා පැවති පහ ශ්‍රේණිය ශිෂ්‍යත්ව විභාගයට සිසුන් තුන් ලක්ෂ 27,648 ක් මෙවර පෙනී සිටි අතර ඊයේ නිකුත් වූ විභාගයේ ප‍්‍රතිඵල www.donets.lk වෙබ් අඩවියෙන් නිවැරදි අපේක්ෂක අංකය ඇතුළත් කර ලබාගත හැකි වනවා.

ශිෂ්‍යත්ව විභාගයෙන් ලකුණු 198 ක් ලබා ගත් පොළොන්නරුව රාජකීය කණිෂ්ඨ විද්‍යාලයේ එච්.එම්. මාලක නෙත්මාල් තිලකරත්න දෙවන ස්ථානයට පත්ව තිබෙනවා.

එමෙන්ම, මෙවර ශිෂ්‍යත්ව විභාගයෙන්් බෙම්මුල්ල - පිටියේගෙදර ප‍්‍රාථමික විද්‍යාලයේ සහනි යශෝධරා සහ මාවනැල්ල සහීරා මධ්‍ය මහා විදුහලේ මොහොම්මදු නිස්වාර් ෆාතිමා ලකුණු 197 බැගින් ලබා ගෙන තුන්වන ස්ථානයට පත්ව තිබෙනවා. සිව්වන ස්ථාන 5 ක් මෙවර ශිෂ්‍යත්ව විභාගයේදී පවතින අතර, ඔවුන් ලබාගෙන ඇති ලකුණු සංඛ්‍යාව 196 ක්. අගුණකොලපැලැස්ස අලූත්වැව ප‍්‍රාථමික විද්‍යාලයේ අධීෂ ආලෝක, බදුල්ල විහාරමහා දේවි බාලිකා මහා විදුහලේ දිලිනි තිසාරා, පොකුණුවිට - කුළුපන කනිෂ්ඨ විද්‍යාලයේ නිසාරා ද සිල්වා, ගම්පහ යශෝධරා දේවි බාලිකා පර්ෂද විදුහලේ චරිත්මි සෙනල්යා සහ කොළඹ - වෙස්ලි විද්‍යාලයේ රුචිර ෂෙහාන් එම ස්ථාන ලබා ගත්තා.

ඊයේ අන්තර්ජාලයට නිකුත් කෙරුණු ශිෂ්‍යත්ව විභාගයේ ප‍්‍රතිඵල කොළඹ හා ශී‍්‍ර ජයවර්ධනපුර කලාපවලට අයත් පාසල් ප‍්‍රතිඵල ලේඛණ අදාළ පාසල් ප‍්‍රධානීන්ට විභාග දෙපාර්තමේන්තුවේ පාසල් විභාග සංවිධාන ශාඛාව වෙත පැමිණ ලබාගත හැකියි. අනෙකුත් පාසල්වල ප‍්‍රතිඵල ලේඛණ එම පාසල් වෙත අද දින තැපැල් කර යැවීමට කටයුතු කර ඇති බවයි විභාග දෙපාර්තමේන්තුව සඳහන් කළේ.

කිසියම් සිසුවෙකුගේ ලකුණු පිළිබඳව නැවත පරීක්ෂාවත් සිදුකිරීමට අවශ්‍ය නම් ලබන ඔක්තෝම්බර් මස 15 වැනි දිනට පෙර අදාළ පාසලේ විදුහල්පතිවරයා විසින්ම අභියාචනා ඉදිරිපත් කළ යුතු වනවා.

මෙවර පහ ශ්‍රේණිය ශිෂ්‍යත්ව විභාගයේ දිස්ති‍්‍රක්කවලට අදාළව අවම ලකුණු සීමා ද ප‍්‍රකාශයට පත්කර තිබෙනවා. ඒ අනුව කොළඹ, ගම්පහ, කළුතර, මහනුවර, මාතලේ, ගාල්ල සහ මාතර දිස්ති‍්‍රක්කවල සිංහල මාධ්‍යයෙන් අවම ලකුණු සීමාව වන්නේ ලකුණු 163 ක්. හම්බන්තොට, අනුරාධපුර, පොළොන්නරුව, රත්නපුර දිස්ත‍්‍රික්කවල සිංහල මාධ්‍ය අවම ලකුණු සීමාව 161 ක් බවයි විභාග දෙපාර්තමේන්තුව සඳහන් කළේ. සිංහල මාධ්‍යයෙන් ලකුණු 160 ක අවම ලකුණු සීමාවක් පවතින්නේ අම්පාර, ති‍්‍රකුණාමලය, පුත්තලම, බදුල්ල සහ මොනරාගල දිස්ත‍්‍රික්කවලටයි. නුවරඑළිය, මන්නාරම, වව්නියාව, මුලතිව් දිස්ති‍්‍රක්කවලට අදාළව සිංහල මාධ්‍යයෙන් අවම ලකුණු සීමාව ලෙස දක්වා ඇත්තේ ලකුණු 159 යි. යාපනය, කිලිනොච්චි දිස්ති‍්‍රක්කවල දෙමළ මාධ්‍ය අවම ලකුණු සීමාව සඳහන් කර ඇත්තේ ලකුණු පිළිවෙලින් 158 ක් සහ 157 ක් ලෙසයි.

බූදල්කාරියක් අතුරුදන් ?

පළාතේ ධනවත් ව්‍යාපාරිකයකුගේ 19 හැවිරිදි දියණිය ගැන පසුගිය සැප්තැම්බර් 13 වැනිදා සිට කිසිම තොරතුරක් නැතැයි එම ව්‍යාපාරිකයා තඹුත්තේගම පොලිසියට පැමිණිල්ලක් කර ඇත. තම දියණිය ලොකු බුදලයක හිමිකාරියක් බැවින් කිසියම් පිරිසක් ඇය පැහැර ගන්නට ඇතැයි එම ව්‍යාපාරිකයා කියයි.

උසස් පෙළ විභාගයට සූදානම් වෙමින් සිටියදී ඇය අතුරුදන්වූ බවද ඔහු පවසයි.

ආදි කාලේ නැව් හතරක් පාසිකුඩාවෙන් සොයා ගනී

පාසිකුඩා වෙරළ ආසන්න නොගැඹුරු ගල්පරයක් අසළ ගිලී ඇති නැව් හතරක සුන්බුන් සොයාගත් බව ගාල්ලේ මුහුදු පුරාවිද්‍යා ඒකකයේ පර්යේෂකයෝ කියති. 2012 වර්ෂයේ සිට වරින් වර එහි කිමිදෙමින් මේ ගවේෂණය කළ බවත් පසුගිය අගෝස්තු මාසයේ දී විශාල වාෂ්ප නැවක කොටස් හමුවීමත් සමග එතැන ඇති නැව් ගණන හතරක් බවට තහවුරු කැරගත හැකි වූ බවත් ඔවුහු කියති.

සමුද්‍ර පුරාවිද්‍යාඥ රසික මුතුකුමාරණ මහතා පවසන්නේ මේ නැව් 19 වැනි හා 20 වැනි ශතවර්ෂයේ දී ගිලී යන්නට ඇති බවයි. ලෝකයේ එකම ස්ථානයක මෙතරම් නැව් සංඛ්‍යාවක් ගිලී ඇති වෙනත් තැනක් ගැන දැනගන්නට නැතැයි ද එබැවින් මෙය ලෝක සමුද්‍ර පුරාවිද්‍යා ඉතිහාසයේ වැදගත් ස්ථානයක් බව ද පර්යේෂකයෝ කියති.

ජාත්‍යන්තර නැව් මාර්ගයට ආසන්නයේ ඇති නොගැඹුරු ගල්තලාවේ හැපී මේ නැව් හතරම ගිලී ඇතැයි පර්යේෂකයන්ගේ මතයයි. යකඩ කඩන්නන් විසින් නැව්වල කොටස් විශාල වශයෙන් ඉවත්කැර ඇති බැවින් නැව් ස්ථිරව ම හඳුනාගැනීම අපහසු වී ඇතැයි ද මුතුකුමාරණ මහතා පවසයි. බොයිලේරු හා එන්ජින් කොටස් තවමත් ඉතිරිව ඇති බැවින් මෙතැන ඇති නැව් හතරෙන් තුනක් වාෂ්ප නැව් බව ස්ථිර වශයෙන් ම හඳුනාගෙන ඇත.

ගාල්ල සමුද්‍ර පුරාවිද්‍යා ඒකකයේ ප්‍රධානී ඩබ්ලිව්.එම්.චන්ද්‍රරත්න මහතා පවසන්නේ ගිලී ඇති නැව් හතරේ වර්තමාන තත්ත්වය ගවේෂණය කිරීමෙන් සොයාගත් දත්ත, පැරණි වාර්තා හා පුවත්පත් ලේඛණ ආදිය පරිශීලනය කරමින් මේ නැව් හතරේ අනන්‍යතාව හඳුනාගැනීමට කටයුතු කරමින් සිටින බවයි.

ශිෂ්‍යත්ව ප‍්‍රතිඵල බොහෝ දුරට අද

 

මෙවර 5 ශ්‍රේණිය ශිෂ්‍යත්ව විභාගයේ ප‍්‍රතිඵල විභාග දෙපාර්තමේන්තුව විසින් බොහෝදුරට අද (28) දිනයේ අන්තර්ජාලයට මුදා හැරීමට නියමිත බව වාර්තා වනවා. ප‍්‍රතිඵල නිකුත් කිරීමට අදාළ මූලික කටයුතු මේ වනවිට අවසන් වෙමින් පවතින බවයි විභාග දෙපාර්තමේන්තුවේ ජ්‍යෙෂ්ඨ ප‍්‍රකාශකයෙකු සඳහන් කළේ. ඒ අනුව, අද දිනයේ විභාග දෙපාර්තමේන්තුවේ ඩබ්ලිව්ඩබ්ලිව් ඩබ්ලිව් ඩොට් ඩොනේට්ස්  ඩොට් එල් කේ www.doenets.lk නිල වෙබ් අඩවියෙන් ප‍්‍රතිඵල ලබා ගත හැකියි. පසුගිය අගෝස්තු 14 වැනිදා පැවති 5 ශ්‍රේණිය ශිෂ්‍යත්ව විභාගය සඳහා සිසුන් තුන් ලක්ෂ 35,585 දෙනෙකු පෙනී සිටියා. ලබන වසරේ 5 ශ්‍රේණියේ ශිෂ්‍යත්ව විභාගය පැය එකහමාරක තනි ප‍්‍රශ්න පත‍්‍රයක් ලෙස ලබාදීමට අධ්‍යාපන අමාත්‍යාංශය තීරණය කර ඇති බවයි හෝමාගමදී පසුගියදා පැවති රැස්වීමකට එක්වෙමින් අධ්‍යාපන අමාත්‍ය බන්දුල ගුණවර්ධන සඳහන් කළේ.

බඹරු, කාන්තාවන් 21 ක් රෝහලට යවති

බඹර ප්‍රහාරයකට ලක්වීමෙන්, බණ්ඩාරවෙළ නයාබැද්ද වතුයායේ තේ දළු නෙළමින් සිටි කාන්තාවන් 21 දෙනෙකු රෝහලට ගත කළ බව බණ්ඩරවෙළ රෝහල් ආරංචි කියයි.

ලංකාවටම එකයි.. එක සිසුවියයි.. එක ගුරුවරයයි.. අපූරු පාසැලක්

බලන්ගොඩ බටුගම්මන විදුහලේ ඉගෙනුම ලබමින් සිටින්නේ එකම එක සිසුවියක් පමණකි.
ගිත්මි වත්සලා නම් ඇයට උගන්වන්නට සිටින්නේද එකම එක ගුරුවරියක් පමණි.
සබරගමු පළාත් අධ්‍යාපන ඇමතිවරයා පවසන්නේ මෙම පාසැල වසා දමා වෙනත් කාර්යයක් සඳහා යොදා ගැනීමට තීරණය කර ඇතැ බවයි.

ස්ත්‍රීන් ලෙස දිවි ගෙවන පිරිමින්ට හිරිහැර

ස්ත්‍රීන් ලෙස ජීවත් වීම තෝරා ගත් පිරිමින්ට මැලේසියානු බලධාරීන්ගෙන් වෙනස්කම් සිදුවන බව හියුමන් රයිට්ස් වොච් මානව හිමිකම් සංවිධානය පවසයි.

මැලේසියාවේ ආගමික පොලිසිය මෙවැනි පුද්ගලයන්ට ශාරීරික මෙන්ම ලිංගික වශයෙන් අඩන්තේට්ටම් කරන බවයි ඔවුන් පවසන්නේ.
මුස්ලිම් පිරිමින්ට ස්ත්‍රී ඇඳුම් පැළඳුම් වලින් සැරසී සිටීම මැලේසියාවේ බොහෝ පලාත්වල නීතියෙන් තහනම් කර ඇති නමුත් එම නීතිය විස්තරාත්මකව පැහැදිලි කර නැත.
මෙම ප්‍රතිපත්තියට එරෙහිව මැලේසියාවේ ප්‍රථම වතාවට නඩුවක් ගොනු කර ඇති බවද වාර්තා වෙයි.
මැලේසියානු රජය මේ පිළිබඳව ප්‍රතිචාර දැක්වීම ප්‍රතික්ෂේප කර තිබේ.

හරීන් ප‍්‍රනාන්දු හා ඇල්ලූ ඔට්ටුව ගැන ගම්මන්පිලගේ පිළිතුර මෙන්න

ඌවේ මැතිවරණයෙන් හරීන් ප‍්‍රනාන්දු මනාප 50000 කට වඩා ගත්තොත් තමන් අස්වන බවට බස්නාහිර පළාත් ඇමති උයද ගම්මන්පිල මහතා කල අභියෝග සම්බන්ධයෙන් ඒ මහතා ප‍්‍රතිචාර දක්වා තිබේ.
ත්‍ම් දිනවල විදෙස් සංචාරයක නිරත වන ගම්මන්පිල මහතාගෙන් එක්සත් ජාතීන්ගේ ලංකා  නියෝජිත පාලිත කොහොන  ද ඒ ගැන කල විමසීමකදී මෙස් සඳහන් කර ඇත.
‘රූපවහිනී සංවාදයකදි මම නගපු තර්ක වලට උත්තර දෙනවා වෙනුවට මට හරීන් කිවුවා ඔබතුමා මෙතන මොනවා කිව්වත් කොළඹදී මනාපෙන් දෙවනියනේ කියලා.
මම එතකොට හරීන්ට කිව්වා මම දෙවැනියා වුණේ පෝස්ටර් නැතුව ප‍්‍රචාරක කටයුතු කරලා.  එහෙම වෙලත් මම මනාප 116445ක් ගත්තා.  මම ඔබතුමාට අභියෝග කරනවා පුළුවන්නම් පෝස්ටර් නැතුව ජන්ද කරලා මනාප ලක්ෂයක් අරන් පෙන්වන්න. ඒකට හරීන්ගේ ප‍්‍රතිචාරය වුණේ බදුල්ලෙන් මනාප ලක්ෂයක් ගන්න අමාරු බවයි.
මම එතකොට කිවුවා හරීන් මම ඔබතුමාට 50% ක වට්ටමක් දෙන්නම්.  පුළුවන් නම් 50000 ක් මනාප ගන්න.  නමුත් පෝස්ටර් නැතුව ජන්ද කරන්න අමාරු අව දන්න හරීන් ඒ අභියෝගය භාරගත්තේ නෑ.  මගේ අභියෝගය  හරීන් භාරගන්තේ නැතිව විතරක් නෙමෙයි බදුල්ල පුරාම පෝස්ටර් ගැහුවා. ඉතින්්  ඇයි මම අස්වෙන්න  ඕනෑ.
මම ලංකාවට ගියාම මාධ්‍ය හමුවක් තියලා ඇත්ත කියනවා.  හරීන් වගේම රූපවාහිනී සංවාදය බලපු හැමෝම ඇත්ත මොකද්ද කියලා දන්නවා’

නිමල් සිරිපාලට ආණ්ඩුව එපා වෙයි !

පසුගිය දිනවලදී ඌව පළාත් සභා මැතිවරණය තුළදී බදුල්ල දිස්ත්‍රික්කයේ කැබිනට් ඇමැතිවරුන් දෙදෙනකු නියෝනය කරන ආසන දෙකක බලය එක්සත් ජනතා නිදහස් සන්ධානයට අහිමි විය.

ඒ නිමල් සිරිපාලද සිල්වා නියෝජනය කරන බදුල්ල ආසනය ඡන්ද 6098 කින් ද හා ඩිලාන් පෙරේරා නියෝජනය කරන හාලි ඇළ ආසනය ඡන්ද 2796 කින්ය.

නිමල් සිරිපාල ආණ්ඩුව කෙරහි කලකිරී සිටින බව වාර්තා වෙන අතර ඔහු කලකිරී ඇත්තේ සෞඛ්‍ය අමාත්‍යංශය ඔහුගෙන් උදුරාගත් දිනයේ සිටය.

මේ හේතුවෙන් මෙවර මැතිවරණයේදී වේදිකාව උඩදී විපක්ෂයට බැන්නත්, වේදිකාවෙන් බිමට බැසීමෙන් අනතුරුව ආණ්ඩුවේ ඉහල තනතුරු විවේචනය කිරීමට පටන්ගෙන තිබේ.

මේ සම්බන්ධව දැනටමත් රජයේ ඉහල නිලධාරීන් දැනුවත්ව ඇති අතර ඒ අනුව නිමල් සිරිපාලද වත්මන් ආණ්ඩුවේ උදහසට ලක්වී තිබේ.

එකම පාස‍ලේ සිසුවාට අනියම් පෙම පුද කල ෆේස් බුක් ගුරුවරිය.

ෆේස් බුක් ගිණුම ඔස්සේ මිතුරු වී සමීප සබඳතාවක් පවත්වාගෙන ගොස් එකිනෙකා හමුවූ අවස්ථාවේදී ඔවුන් එකම පාස‍ලේ ගුරුවරිය සහ ශිෂ්‍යයා බවට හෙළිවීමේ පුවතක් ප්‍රධාන පෙළේ පාසලකින් අප වෙත වාර්තා වෙනවා.

මේ පිළිබඳව සොයා බලපු අපිට දැන ගන්නට ලැබුණේ මොවුන් දෙදෙනාම කොළඹ ප්‍රධාන පෙළේ පාසලක ගුරුවරියක හා ශිෂ්‍යයකු බවට මේ වන විට හෙළි වී ඇති බවයි.

ඔවුන් දෙදෙනා ෆේස් බුක් ගිණුම ඔස්සේ මිතුරු වී තිබෙනවා. පසුව දෙදෙනා කෙටි පණිවුඩ හුවමාරු කර ගනිමින් සමීප සබඳතාවක් ගොඩනගා ගෙන තිබෙනවා. ඒ වන විටත් ඔවුන් කවුරුන්ද යන්න හඳුනාගෙන නැත.

පසුව දෙදෙනා කොළඹ එක්තරා ස්ථානයකදී හමුවීමට තීරණය කරතිබෙනවා. එලෙස හමුවූ අවස්ථාවේදී දෙදෙනා හඳුනාගෙන තිබෙනවා. ඇය ගුරුවරිය බවත් තරුණයා පාස‍ලේ ශිෂ්‍යයකු බවත් මෙහිදී අනාවරණය වී තිබෙනවා.


පසුව මේ ගැටලුව අපරාධ පරීක්ෂණ දෙපාර්තමේන්තුව තෙක් දුරදිග ගොස් ඇති අතර මේ වන විට එම දෙපාර්තමේන්තුව මගින් පරීක්ෂණයක් ආරම්භ කර තිබෙනවා.

ශිෂ්‍යත්ව ප‍්‍රතිඵල හෙට අන්තර්ජාලයට නිකුත් කෙරේ

මෙවර 5 ශිෂ්‍යත්ව විභාගයේ ප‍්‍රතිඵල විභාග දෙපාර්තමේන්තුව විසින් බොහෝදුරට හෙට (28) දිනයේ අන්තර්ජාලයට මුදා හැරීමට නියමිත බව වාර්තා වනවා. මෙම විභාගයේ ප‍්‍රතිඵල නිකුත් කිරීමට අදාළ මූලික කටයුතු මේ වනවිට අවසන් වෙමින් පවතින බවයි විභාග දෙපාර්තමේන්තුවේ ජ්‍යෙෂ්ඨ ප‍්‍රකාශකයෙකු සඳහන් කළේ. විභාග දෙපාර්තමේන්තුවේ ඩබ්ලිව්ඩබ්ලිව් ඩබ්ලිව් ඩොට් ඩොනේට්ස් ඩොට් එල් කේ www.doenets.lk නිල වෙබ් අඩවියෙන් ප‍්‍රතිඵල ලබා ගත හැකියි. පසුගිය අගෝස්තු 14 වැනිදා පැවති 5 ශ්‍රේණිය ශිෂ්‍යත්ව විභාගය සඳහා සිසුන් තුන් ලක්ෂ 35,585 දෙනෙකු පෙනී සිටියා.

ජයලලිතා ජයරාම් වරදකරු වෙයි.

අයථා ලෙස වත්කම් ඉපයූ බවට චෝදනා එල්ල වූ තමිල්නාඩු මහ ඇමතිනී ජයලලිතා ජයරාම් අධිකරණය මගින් වරදකරු කර තිබෙනවා. අද (27) මෙම තීන්දුව ප‍්‍රකාශයට පත් කළේ බැංගලෝර් අධිකරණයක් විසින්. 1991 වසරේ මහ ඇමති ධුරයට පත්වී වසර 5 ක් ඇතුළත ජයලලිතාගේ වත්කම් ඉන්දීය රුපියල් කෝටි 3 සිට කෝටි 66 දක්වා ඉහළ යාම පිළිබඳව මෙම නඩුව ගොනු කෙරුණේ මීට 18 වසරකට පෙරයි.

ගාලු මුවදොර මුහුදේ මළ සිරුරක්

ගාලු මුවදොර ආශ්‍රිත මුහුදේ තිබි පුද්ගල මළ සිරුරක් සොයාගෙන තිබේ.

නාවික හමුදා නිලධාරීන් විසින් මෙම මළ සිරුර සොයා ගෙන ඇති බව පොලිස් මාධ්‍ය ප්‍රකාශක කාර්යාලය සඳහන් කළේය.

මියගොස් ඇත්තේ කොළඹ 15 ප්‍රදේශයේ පදිංචිව සිටි වයස අවුරුදු 57 ක පුද්ගලයෙකි.

මළ සිරුර කොළඹ ජාතික රෝහලේ මෘත ශරීරාගාරයේ තබා ඇති අතර මෙය සියදිවි හානිකර ගැනීමක් ද නැතහොත් ඝාතනයක් ද යන්න පිළිබඳ කොටුව පොලිසිය විමර්ශන සිදුකරයි.

ගිණුම් දත්ත දෙන්න බැංකුව ශිරාණිගෙන් අමෙරිකානු ඩොලර් 472,200ක් ඉල්ලයි

හිටපු අගවිනිසුරු ආචාර්ය ශිරාණි බණ්ඩාරනායක මහත්මියගේ වත්කම් හා බැරකම් නඩුවට අදාළ සාක්ෂි වශයෙන් දත්ත ලබාදීමට නම් අමෙරිකානු ඩොලර් 472,200ක් අවශ්‍ය බව අදාළ බැංකුව අද (26) කොළඹ මහේස්ත්‍රාත් අධිකරණය හමුවේ පවසා තිබේ. 

ඒ පිළිබඳ නඩුව අද කැඳවු අවස්ථාවේ දී බැංකුව වෙනුවෙන් පෙනී සිටි නීතිඥවරුන් කරුණු ඉදිරිපත් කළ බව අද දෙරණ අධිකරණ වාර්තාකරු කේ.එස් උදයකුමාර සඳහන් කළේය. 

අදාළ දත්ත ලබාදීමට නම් පරිගණක මෙහෙයුමක් කිරීමට අවශ්‍ය බැවින් හිටපු අග්‍රවිනිශ්චයකාරවරියට එම මුදල ගෙවීමට හැකි නම් දත්ත ලබාදිය හැකි බව බැංකුව පාර්ශවයෙන් දැනුම් දී තිබේ. 

එහිදී හිටපු අගවිනිසුරුවරිය වෙනුවෙන් පෙනී සිටි නීතීඥයින් පවසා ඇත්තේ උසාවි නියෝගයක් දුන් පසු එම නියෝගය ඉටුකිරීමට බැංකුව බැඳී සිටින බැවින් ඊට අවනතව තොරතුරු ලබාදිය යුතු බවයි. 

කෙසේ හෝ මේ අවස්ථාවේදී මහේස්ත්‍රාත්වරයා ශ්‍රී ලංකා මහබැංකුවේ පුද්ගලික බැංකු කටයුතු ඒකකයේ අධ්‍යක්ෂවරයාට දැනුම්දී ඇත්තේ මේ පිළිබඳව සොයාබලා නොවැම්බර් 3දාට කරුණු දක්වන ලෙස බව ද අප වාර්තාකරු පැවසීය. 

හිටපු අගවිනිසුරු ආචාර්ය ශිරාණි බණ්ඩාරනායක මහත්මිය සිය වත්කම් බැරකම් ප්‍රකාශයේ අදාළ පෞද්ගලික බැංකුවේ පවත්වාගෙන ගිය විශේෂ ජංගම ගිණුම් දෙකක තොරතුරු අවුරුදු තුනක් තිස්සේ වසන් කළ බව කියන සිද්ධියට අදාළව මෙම නඩු විභාගය පැවැත්වෙයි. 

ඒ ඇයගේ වත්කම් බැරකම් ප්‍රකාශයේ 2010,2011,හා 2012 යන වර්ෂ සඳහා එම බැංකුවේ පවත්වාගෙන ගිය ජංගම ගිණුම් දෙකක තොරතුරු ඇතුළත් නොකර ඇති බවට අල්ලස් කොමිසම අධිකරණය හමුවේ නඩු පැවරීම නිසාය.