හරීන් ප‍්‍රනාන්දු හා ඇල්ලූ ඔට්ටුව ගැන ගම්මන්පිලගේ පිළිතුර මෙන්න

ඌවේ මැතිවරණයෙන් හරීන් ප‍්‍රනාන්දු මනාප 50000 කට වඩා ගත්තොත් තමන් අස්වන බවට බස්නාහිර පළාත් ඇමති උයද ගම්මන්පිල මහතා කල අභියෝග සම්බන්ධයෙන් ඒ මහතා ප‍්‍රතිචාර දක්වා තිබේ.
ත්‍ම් දිනවල විදෙස් සංචාරයක නිරත වන ගම්මන්පිල මහතාගෙන් එක්සත් ජාතීන්ගේ ලංකා  නියෝජිත පාලිත කොහොන  ද ඒ ගැන කල විමසීමකදී මෙස් සඳහන් කර ඇත.
‘රූපවහිනී සංවාදයකදි මම නගපු තර්ක වලට උත්තර දෙනවා වෙනුවට මට හරීන් කිවුවා ඔබතුමා මෙතන මොනවා කිව්වත් කොළඹදී මනාපෙන් දෙවනියනේ කියලා.
මම එතකොට හරීන්ට කිව්වා මම දෙවැනියා වුණේ පෝස්ටර් නැතුව ප‍්‍රචාරක කටයුතු කරලා.  එහෙම වෙලත් මම මනාප 116445ක් ගත්තා.  මම ඔබතුමාට අභියෝග කරනවා පුළුවන්නම් පෝස්ටර් නැතුව ජන්ද කරලා මනාප ලක්ෂයක් අරන් පෙන්වන්න. ඒකට හරීන්ගේ ප‍්‍රතිචාරය වුණේ බදුල්ලෙන් මනාප ලක්ෂයක් ගන්න අමාරු බවයි.
මම එතකොට කිවුවා හරීන් මම ඔබතුමාට 50% ක වට්ටමක් දෙන්නම්.  පුළුවන් නම් 50000 ක් මනාප ගන්න.  නමුත් පෝස්ටර් නැතුව ජන්ද කරන්න අමාරු අව දන්න හරීන් ඒ අභියෝගය භාරගත්තේ නෑ.  මගේ අභියෝගය  හරීන් භාරගන්තේ නැතිව විතරක් නෙමෙයි බදුල්ල පුරාම පෝස්ටර් ගැහුවා. ඉතින්්  ඇයි මම අස්වෙන්න  ඕනෑ.
මම ලංකාවට ගියාම මාධ්‍ය හමුවක් තියලා ඇත්ත කියනවා.  හරීන් වගේම රූපවාහිනී සංවාදය බලපු හැමෝම ඇත්ත මොකද්ද කියලා දන්නවා’

නිමල් සිරිපාලට ආණ්ඩුව එපා වෙයි !

පසුගිය දිනවලදී ඌව පළාත් සභා මැතිවරණය තුළදී බදුල්ල දිස්ත්‍රික්කයේ කැබිනට් ඇමැතිවරුන් දෙදෙනකු නියෝනය කරන ආසන දෙකක බලය එක්සත් ජනතා නිදහස් සන්ධානයට අහිමි විය.

ඒ නිමල් සිරිපාලද සිල්වා නියෝජනය කරන බදුල්ල ආසනය ඡන්ද 6098 කින් ද හා ඩිලාන් පෙරේරා නියෝජනය කරන හාලි ඇළ ආසනය ඡන්ද 2796 කින්ය.

නිමල් සිරිපාල ආණ්ඩුව කෙරහි කලකිරී සිටින බව වාර්තා වෙන අතර ඔහු කලකිරී ඇත්තේ සෞඛ්‍ය අමාත්‍යංශය ඔහුගෙන් උදුරාගත් දිනයේ සිටය.

මේ හේතුවෙන් මෙවර මැතිවරණයේදී වේදිකාව උඩදී විපක්ෂයට බැන්නත්, වේදිකාවෙන් බිමට බැසීමෙන් අනතුරුව ආණ්ඩුවේ ඉහල තනතුරු විවේචනය කිරීමට පටන්ගෙන තිබේ.

මේ සම්බන්ධව දැනටමත් රජයේ ඉහල නිලධාරීන් දැනුවත්ව ඇති අතර ඒ අනුව නිමල් සිරිපාලද වත්මන් ආණ්ඩුවේ උදහසට ලක්වී තිබේ.

එකම පාස‍ලේ සිසුවාට අනියම් පෙම පුද කල ෆේස් බුක් ගුරුවරිය.

ෆේස් බුක් ගිණුම ඔස්සේ මිතුරු වී සමීප සබඳතාවක් පවත්වාගෙන ගොස් එකිනෙකා හමුවූ අවස්ථාවේදී ඔවුන් එකම පාස‍ලේ ගුරුවරිය සහ ශිෂ්‍යයා බවට හෙළිවීමේ පුවතක් ප්‍රධාන පෙළේ පාසලකින් අප වෙත වාර්තා වෙනවා.

මේ පිළිබඳව සොයා බලපු අපිට දැන ගන්නට ලැබුණේ මොවුන් දෙදෙනාම කොළඹ ප්‍රධාන පෙළේ පාසලක ගුරුවරියක හා ශිෂ්‍යයකු බවට මේ වන විට හෙළි වී ඇති බවයි.

ඔවුන් දෙදෙනා ෆේස් බුක් ගිණුම ඔස්සේ මිතුරු වී තිබෙනවා. පසුව දෙදෙනා කෙටි පණිවුඩ හුවමාරු කර ගනිමින් සමීප සබඳතාවක් ගොඩනගා ගෙන තිබෙනවා. ඒ වන විටත් ඔවුන් කවුරුන්ද යන්න හඳුනාගෙන නැත.

පසුව දෙදෙනා කොළඹ එක්තරා ස්ථානයකදී හමුවීමට තීරණය කරතිබෙනවා. එලෙස හමුවූ අවස්ථාවේදී දෙදෙනා හඳුනාගෙන තිබෙනවා. ඇය ගුරුවරිය බවත් තරුණයා පාස‍ලේ ශිෂ්‍යයකු බවත් මෙහිදී අනාවරණය වී තිබෙනවා.


පසුව මේ ගැටලුව අපරාධ පරීක්ෂණ දෙපාර්තමේන්තුව තෙක් දුරදිග ගොස් ඇති අතර මේ වන විට එම දෙපාර්තමේන්තුව මගින් පරීක්ෂණයක් ආරම්භ කර තිබෙනවා.

ශිෂ්‍යත්ව ප‍්‍රතිඵල හෙට අන්තර්ජාලයට නිකුත් කෙරේ

මෙවර 5 ශිෂ්‍යත්ව විභාගයේ ප‍්‍රතිඵල විභාග දෙපාර්තමේන්තුව විසින් බොහෝදුරට හෙට (28) දිනයේ අන්තර්ජාලයට මුදා හැරීමට නියමිත බව වාර්තා වනවා. මෙම විභාගයේ ප‍්‍රතිඵල නිකුත් කිරීමට අදාළ මූලික කටයුතු මේ වනවිට අවසන් වෙමින් පවතින බවයි විභාග දෙපාර්තමේන්තුවේ ජ්‍යෙෂ්ඨ ප‍්‍රකාශකයෙකු සඳහන් කළේ. විභාග දෙපාර්තමේන්තුවේ ඩබ්ලිව්ඩබ්ලිව් ඩබ්ලිව් ඩොට් ඩොනේට්ස් ඩොට් එල් කේ www.doenets.lk නිල වෙබ් අඩවියෙන් ප‍්‍රතිඵල ලබා ගත හැකියි. පසුගිය අගෝස්තු 14 වැනිදා පැවති 5 ශ්‍රේණිය ශිෂ්‍යත්ව විභාගය සඳහා සිසුන් තුන් ලක්ෂ 35,585 දෙනෙකු පෙනී සිටියා.

ජයලලිතා ජයරාම් වරදකරු වෙයි.

අයථා ලෙස වත්කම් ඉපයූ බවට චෝදනා එල්ල වූ තමිල්නාඩු මහ ඇමතිනී ජයලලිතා ජයරාම් අධිකරණය මගින් වරදකරු කර තිබෙනවා. අද (27) මෙම තීන්දුව ප‍්‍රකාශයට පත් කළේ බැංගලෝර් අධිකරණයක් විසින්. 1991 වසරේ මහ ඇමති ධුරයට පත්වී වසර 5 ක් ඇතුළත ජයලලිතාගේ වත්කම් ඉන්දීය රුපියල් කෝටි 3 සිට කෝටි 66 දක්වා ඉහළ යාම පිළිබඳව මෙම නඩුව ගොනු කෙරුණේ මීට 18 වසරකට පෙරයි.

ගාලු මුවදොර මුහුදේ මළ සිරුරක්

ගාලු මුවදොර ආශ්‍රිත මුහුදේ තිබි පුද්ගල මළ සිරුරක් සොයාගෙන තිබේ.

නාවික හමුදා නිලධාරීන් විසින් මෙම මළ සිරුර සොයා ගෙන ඇති බව පොලිස් මාධ්‍ය ප්‍රකාශක කාර්යාලය සඳහන් කළේය.

මියගොස් ඇත්තේ කොළඹ 15 ප්‍රදේශයේ පදිංචිව සිටි වයස අවුරුදු 57 ක පුද්ගලයෙකි.

මළ සිරුර කොළඹ ජාතික රෝහලේ මෘත ශරීරාගාරයේ තබා ඇති අතර මෙය සියදිවි හානිකර ගැනීමක් ද නැතහොත් ඝාතනයක් ද යන්න පිළිබඳ කොටුව පොලිසිය විමර්ශන සිදුකරයි.

ගිණුම් දත්ත දෙන්න බැංකුව ශිරාණිගෙන් අමෙරිකානු ඩොලර් 472,200ක් ඉල්ලයි

හිටපු අගවිනිසුරු ආචාර්ය ශිරාණි බණ්ඩාරනායක මහත්මියගේ වත්කම් හා බැරකම් නඩුවට අදාළ සාක්ෂි වශයෙන් දත්ත ලබාදීමට නම් අමෙරිකානු ඩොලර් 472,200ක් අවශ්‍ය බව අදාළ බැංකුව අද (26) කොළඹ මහේස්ත්‍රාත් අධිකරණය හමුවේ පවසා තිබේ. 

ඒ පිළිබඳ නඩුව අද කැඳවු අවස්ථාවේ දී බැංකුව වෙනුවෙන් පෙනී සිටි නීතිඥවරුන් කරුණු ඉදිරිපත් කළ බව අද දෙරණ අධිකරණ වාර්තාකරු කේ.එස් උදයකුමාර සඳහන් කළේය. 

අදාළ දත්ත ලබාදීමට නම් පරිගණක මෙහෙයුමක් කිරීමට අවශ්‍ය බැවින් හිටපු අග්‍රවිනිශ්චයකාරවරියට එම මුදල ගෙවීමට හැකි නම් දත්ත ලබාදිය හැකි බව බැංකුව පාර්ශවයෙන් දැනුම් දී තිබේ. 

එහිදී හිටපු අගවිනිසුරුවරිය වෙනුවෙන් පෙනී සිටි නීතීඥයින් පවසා ඇත්තේ උසාවි නියෝගයක් දුන් පසු එම නියෝගය ඉටුකිරීමට බැංකුව බැඳී සිටින බැවින් ඊට අවනතව තොරතුරු ලබාදිය යුතු බවයි. 

කෙසේ හෝ මේ අවස්ථාවේදී මහේස්ත්‍රාත්වරයා ශ්‍රී ලංකා මහබැංකුවේ පුද්ගලික බැංකු කටයුතු ඒකකයේ අධ්‍යක්ෂවරයාට දැනුම්දී ඇත්තේ මේ පිළිබඳව සොයාබලා නොවැම්බර් 3දාට කරුණු දක්වන ලෙස බව ද අප වාර්තාකරු පැවසීය. 

හිටපු අගවිනිසුරු ආචාර්ය ශිරාණි බණ්ඩාරනායක මහත්මිය සිය වත්කම් බැරකම් ප්‍රකාශයේ අදාළ පෞද්ගලික බැංකුවේ පවත්වාගෙන ගිය විශේෂ ජංගම ගිණුම් දෙකක තොරතුරු අවුරුදු තුනක් තිස්සේ වසන් කළ බව කියන සිද්ධියට අදාළව මෙම නඩු විභාගය පැවැත්වෙයි. 

ඒ ඇයගේ වත්කම් බැරකම් ප්‍රකාශයේ 2010,2011,හා 2012 යන වර්ෂ සඳහා එම බැංකුවේ පවත්වාගෙන ගිය ජංගම ගිණුම් දෙකක තොරතුරු ඇතුළත් නොකර ඇති බවට අල්ලස් කොමිසම අධිකරණය හමුවේ නඩු පැවරීම නිසාය.

හිමිනම ඝාතනය සම්බන්ධයෙන් තවත් 3 ක් පොලිස් අත්අඩංගුවට

මොරටුව එගොඩඋයන සුන්දෝපනන්ද විහාරාධිපති ඝාතනය සම්බන්ධයෙන් තවත් සැකකරුවන් තිදෙනෙකු පොලීසිය විසින් අත්අඩංගුවට ගෙන තිබේ.

කළුතර උතුර පොලිස්ථානයේ නිලධාරීන් පිරිසක් විසින් මෙම සැකකරුවන් අත්අඩංගුවට ගෙන ඇති බව පොලීසිය පැවසුවේය.

මොවුන් කොළඹ අපරාධ කොට්ඨාසය වෙත භාරදීමට නියමිත බව පොලිස් මාධ්‍ය ප‍්‍රකාශක කාර්යයාලය පැවසුවේය.

භික්ෂූන් වහන්සේ ඝාතනය සම්බන්ධයෙන් අත්අඩංගුවට ගත් මොරටුව නියෝජ්‍ය නගරාධිපති මොරටුව මහේස්ත‍්‍රාත් අධිකරනයට ඉදිරිපත් කිරීමෙන් පසු රක්ෂිත බන්ධනාගාර ගතකර තිබේ.

ඝාතනයට සම්බන්ධ බවට සැකකෙරෙන තවත් සැකකරුවන් සිව් දෙනෙකු මීට පෙර අත්අඩංගවට ගත් බව පොලීසිය පැවසුවේය.

හොරට පළිබෝධනාශක සැකසූ අය මාට්ටු

පළිබෝධ නාශක ව්‍යාජ ලෙස සකස් කරන නිෂ්පාදනාගාරයක් හැටන් ප‍්‍රදේශයේ දී වටලා තිබේ.

හැටන්, තොටගල, රොසිට් වතු යායේ නිවසක පළිබෝධ නාශක නිෂ්පාදනාගාරය පවත්වාගෙන ගොස් ඇති බව සඳහන්ය.

නුවරඑලිය පාරිභෝගික සේවා මධ්‍යස්ථානයේ නිලධාරීන් කණ්ඩායමක් විසින් මෙම වැටලීම සිදුකර තිබේ.

තේ සහ එළවළු සඳහා භාවිත කරන අධික මිල ගණන්වලට අලෙවි වන පළිබෝධ නාශක මෙහි දී නිෂ්පාදනය කර ඇති බව වාර්තා වේ.

මෙම නිෂ්පාදනාගාරය පවත්වාගෙන ගිය පුද්ගලයා අත්අඩංගුවට ගැනීම සඳහා පරීක්ෂණ සිදුකරන බව නුවරඑලිය පාරිභෝගික සේවා අධිකාරියේ නිලධාරීන් පවසයි.

ඉවත් කළේ පුද්ගලික පළිගැනීමකට නෙමෙයි

ගාල්ල නගරාධිපතිවරයා ඉවත් කිරීම පුද්ගලික පළිගැනීමේ චේතනාවක් නොවූ බව දකුණු පළාත් ප‍්‍රධාන අමාත්‍ය ශාන් විජේලාල් ද සිල්වා මහතා පවසයි.

නගරාධිපති මෙත්සිරි ද සිල්වා මහතාට එල්ල වූ දූෂණ චෝදනා පදනම් කරමින් ඔහු එම ධූරයෙන් ඉවත් කළ බව හෙතෙම සඳහන් කර සිටියි.

එහෙත් තම දේශපාලන දිවිය නිමා කිරිමේ අරමුණින් ද්වේශ සහගත ලෙස තමා එම ධූරයෙන් ඉවත් කළ බව හිටපු නගරාධිපති මෙත්සිරි ද සිල්වා මහතා පසුගිය දා චෝදනා කළේය.

ජනපතිගෙන් අමෙරිකාව ඉල්ලීමක් කළේ නෑ

ඇෆ්ගනිස්ථානයේ සාමසාධක කටයුතු සඳහා ශ්‍රී ලංකාවෙන් හමුදා භටයින් කණ්ඩායමක් යවන ලෙසට අමෙරිකාව විසින් ඉල්ලීමක් නොකළ බව ජනාධිපති මාධ්‍ය ප්‍රකාශක මොහාන් සමරනායක මහතා පවසයි.

එබැවින් ජනාධිපතිවරයා විසින් එවැනි ඉල්ලීමක් ප්‍රතික්ෂේප නොකළ බවද මාධ්‍ය ප්‍රකාශකවරයා අද පැවසීය.

කෙසේ වෙතත් ඇෆ්ගනිස්ථානයේ සාමසාධක කටයුතු සඳහා හමුදා භටයින් කණ්ඩායමක් එවන ලෙසට අමෙරිකාව කළ ඉල්ලීමක් ජනාධිපතිවරයා විසින් ප්‍රතික්ෂේප කළ බව අද (05) පෙරවරුවේ වාර්තා විය.

පින් ළිඳ ළග පවුකාර වැඩක්

නුගේගොඩ ගංගොඩවිල පන්සල් මාවත පින් ළිඳ අසළදී කාන්තාවකට අතවර සිදුවන බවට 119 යන අංකයට ලැබුණු තොරතුරකට අනුව ක්‍රියාත්මක වූ පොලීසිය වහාම සිද්ධියට අදාළ පුද්ගලයින් දෙදෙනෙකු අත්අඩංගුවට ගෙන තිබේ.

ඊයේ රාත්‍රී 7.30ට පමණ මෙකී අපරාධය ඇසින් දුටු පුද්ගලයෙකු හදීසි ඇමතුම් අංශයට ලබාදුන් තොරතුරකට අනූව මිරිහාන පොලීසියේ නිලධාරීන් කණ්ඩායමක් එම ස්ථානයට පැමිණ සැකකරුවන් දෙදෙනා අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

මෙසේ අතවරයට ලක්ව ඇත්තේ 47 හැවිරිදි කතක් වන අතර වෛද්‍ය වාර්තාවක් ලබා ගැනීම සඳහා ඇය කළුබෝවිල රෝහලට ඇතුළත් කර තිබේ.

අත්අඩංගුවට ගත් සැකකරුවන් දෙදෙනා ගංගොඩවිල ප්‍රදේශයේම පදිංචිකරුවන් වන අතර ඔවුන් ගංගොඩවිල මහේස්ත්‍රාත්වරයා වෙත ඉදිරිපත් කිරීමට කටයුතු යොදා ඇතැයි පොලීසිය පවසයි.

ඔවුන්ට අයත් යැයි කියන ත්‍රීරෝද රථ 2ක්ද පොලිස් භාරයට ගෙන ඇත.

සිද්ධියට සම්බන්ධ තවත් සැකකරුවන් දෙදෙනකු අත්අඩංගුවට ගැනීම සඳහා පරීක්ෂණ පවත්වන බව පොලිස් මාධ්‍ය ප්‍රකාශක කාර්යාලය වැඩිදුරටත් කියා සිටියි.